Termin X - Што дае нам магчымасць дыхаць
Termin X - Што дае нам магчымасць дыхаць (2010)
MP3 320 kbps
- Гэта ўсе я
- Агні твайго гораду
- Закрэслі сваё імя
- 120
- Сам на сам
- Хвалі
- Згубiцца
- Сумны прамень
- Полымя
- Не спынюсь ніколі feat. Кроў
- Апошні дзень
- Радыё-радыё
Мінскі гурт Termin X прэзентуе дэбютны альбом «Што дае нам магчымасць дыхаць» на сайце Ultra-Music.
Пасля свайго сінгла «Закрэслі сваё імя», выдадзенага яшчэ ў 2007 годзе, і ўдзелу на фестывалі «Басовішча», гурт Termin X знік з поля зроку аматараў музыкі больш чым на два гады. Увесь гэты час музыкі займаліся запісам паўнавартаснага альбома і будаўніцтвам сваёй уласнай студыі.
У альбом «Што дае нам магчымасць дыхаць» ўвайшлі 13 кампазіцый, напісаныя яшчэ ў перыяд з 2005 па 2007 гады. «Для музыкі зараз гэта вельмі доўгі тэрмін, бо кожны год змяняюцца тэндэнцыі, з’яўляюцца новыя стылі, — кажа вакаліст гурта Кірыл Домніч. — Мы як, напэўна, і ўсе музыкі, нешта прыдумваем і знаходзімся пад уражаннем ад бягучай моды, але для альбома выбралі ўжо дастаткова старыя трэкі».
Альбом атрымаўся маналітным як у музычным, так і ў сэнсавым плане. Старыя песні былі перазапісаны і крыху дапрацаваны, каб больш адпавядаць настрою дыска. «Нам падабаецца задаваць пытанні, заклікаць слухача да дыялогу. „Што дае нам магчымасць дыхаць“ — гэта і пытанне, і сцвярджэнне, — тлумачыць пасыл альбома Кірыл. — Гэта наша асэнсаванне кавалачкаў, з якіх злеплена жыццё: каханне, сяброўства, грамадства, надзеі на будучыню, жарсць, непрадказальнасць пачуццяў і ліній лёсу. Гэта развагі пра ўсе тыя рэчы, якія надзяляюць сэнсам існаванне і прымушаюць нас дыхаць».
У запісе альбома, акрамя музыкаў гурта, прымалі ўдзел хор «Тоніка» («Апошні дзень») і беларускі рэпер Кроў (гурт «Чырвоным па Белым») («Не спыню ніколі»). «Жывая» прэзентацыя дыска адбудзецца ў бліжэйшы месяц, а пакуль Termin X рыхтуюцца да здымак свайго першага відэа.
Альбом «Што дае нам магчымасць дыхаць» гурта Termin X можна спампаваць на адмысловай старонцы на сайце Ultra-Music.
Loading ...